ភ្នំពេញ៖ នាយករដ្ឋមន្ត្រីកម្ពុជា សម្ដេចតេជោ ហ៊ុន សែន បានថ្លែងអំណរគុណដល់អ្នកដែលវាយប្រហារលោក ហ៊ុន ម៉ាណែត ដោយថាការវាយប្រហារកាន់តែខ្លាំងនឹងធ្វើឱ្យលោក ហ៊ុន ម៉ាណែត កាន់តែរឹងមាំ និងសម្រេចចិត្តកាន់តែច្បាស់លើក្រុមប្រឆាំងរត់ចោលស្រុក។
ថ្លែងក្នុងពិធីចែកសញ្ញាបត្រជូនដល់និស្សិតវិទ្យាស្ថានវ៉ាន់ដាព្រឹកថ្ងៃទី២២ ខែមីនា ឆ្នាំ២០២៣នេះ នៅកោះពេជ្រ ក្នុងរាជធានីភ្នំពេញ សម្ដេចតេជោ ហ៊ុន សែន បានលើកឡើងថាការវាយប្រហារលើលោក ហ៊ុន ម៉ាណែត កាន់តែខ្លាំងនឹងធ្វើឱ្យលោក ហ៊ុន ម៉ាណែត កាន់តែរឹងមាំ នឹងពីភាពរាក់ជ្រៅ និងការសម្រេចចិត្តនយោបាយកាន់តែច្បាស់។
សម្ដេចបញ្ជាក់ជាថ្មីថាលោក ហ៊ុន ម៉ាណែត គឺជានៅតែជាបេក្ខភាពអនាគតនាយករដ្ឋមន្ត្រីរបស់គណបក្សប្រជាជនដដែល៕
